Artan Lame largohet si drejtues i Kadastrës. Ai do të zëvendësohet nga Dallëndyshe Bici, aktualisht drejtuese e Inspektoratit Kombëtar të Mbrojtjes së Territorit.
Ditën e nesërme, Dallëndyshe Bici pritet të prezantohet si drejtuesja e re e Kadastrës.
Lame e mori detyrën në vitin 2019, kur u bashkuan në një institucion ALUIZNI me Hipotekën për të formuar Agjencinë Shtetërore të Kadastrës.
Ende nuk është e qartë nëse kemi të bëjmë me një shkarkim nga ana e kryeministrit Edi Rama Lamen, apo është një largim i tij. Por, sipas disa raportimeve mediatike, Lame është një nga emrat që ka zgjedhur kryeministri Edi Rama për të kandiduar në një nga bashkitë e Jugut të Shqipërisë për zgjedhjet lokale të 14 Majit.
Bici nga ana tjetër, u rikthye në krye të Inspektoratit Kombëtar të Mbrojtjes së Territorit rreth 7 muaj më parë.
Emri i saj u vu në qendër të polemikave pasi firmosi shkatërrimin e një kompleksi në zonën e Golemit, ditën që rimori detyrën.
