Mediat belge kanë bërë një shkrim lidhur me lirimin nga burgu të Safet Bajrit, i cilësuar si “i forti” i Shkodrës.
Mediat belge shkruajnë se Sefet Bajri, 38-vjeçari ishte i dënua me 22 vite burg në Belgjikë, u lirua pas 6 viteve heqje lirie në Shqipëri.
“Dikur ai mori pushtetin në botën e krimit të Brukselit dhe ishte gangsteri më i kërkuar në vendin tonë. Kryekrimineli shqiptar Safet Bajri 38 vjeç u lirua së fundmi nga burgu shqiptar, ku vuante dënimin me 22 vite burg që ishte dënuar në Belgjikë. Ai u detyrua ta vuante atë dënim në Shqipëri, sepse vendi ynë e kishte dëbuar shumë herët. Pas gjashtë vjetësh, dënimi tashmë është lënë i liri”, thuhet në artikullin e “nieuwsblad”.
“I forti” i Shkodrës është dënuar në Bruksel me 9 vite burg për trafik droge dhe prostitucion. Në mungesë të ekstradimit, atij ju njoh dënimi në Belgjikë dhe vuajtja e 3 viteve atje, kurse në Shqipëri duhet të përfundonte dhe pjesën tjetër.
Safet Bajri u arrestua në Tiranë në shtator 2018, me kërkesë të autoriteteve belge. Në Belgjikë ai është dënuar dy herë, fillimisht, në vitin 2015 me 9 vjet burg, dhe pastaj në vitin 2017 me 13 vjet burg. Sipas policisë belge, shkodrani ka qenë njeriu që kontrollonte tregun e prostitucionit në Bruksel.
Safet Bajri u arrestua pas një operacioni policor në Shkodër, bashkë me të vëllanë Ilir Bajri, Ismet Idrizi dhe Asmer Bilali. Operacioni ndërkombëtar ‘’Oaz’’ arrestoi brenda një viti 11 anëtarë të grupit ‘’Bajri’’, të cilët akuzoheshin për një sërë veprash të rënda penale, si: kanosje, gjobvënie të paligjshme, vrasje, trafik droge, pastrim parash, etj.
Grupi ‘’Bajri’’ njihet si njëri prej strukturave më të rrezikshme kriminale në Shkodër dhe jashtë saj. Konfliktet me grupin tjetër ‘’Lici’’ kanë prodhuar një numër të madh viktimash.
