Gjykata e Posaçme ka kaluar për gjykim këtë të enjte, më 19 mars, dosjen ndaj Safet Bajrit, Behar Bajrit, Astmer Bilalit dhe Eria Agos. Ata do të gjykohen për vrasjen e Fatbardh Licit, ngjarje e ndodhur në gusht të vitit 2028.
Më herët kjo çështje që ishte gjykuar nga Krimet e Rënda, ishte vendosur ta kalonin për kompetencë në gjykatën e Shkodrës. Por për shkak të një përplasjeje mes prokurorëve të SPAK-ut dhe pa asnjë provë të re u rihap, edhe pse fashikulli ndodhej në Shkodër.
Por kësaj radhe, me një trup tjetër prokurorësh të përbërë nga Elita Kaçkini dhe Manjola Kajani. Ku më herët Gjykata e Lartë ishte shprehur edhe për kompetencën për këtë çështje.
Për këtë arsye, avokati mbrojtës i Safet Bajrit alias Safet Rustemi, Sokol Tahiraj, i ka dërkuar një kërkesë për informacion SPAK-ut, se mbi çfarë bazash është bërë kjo, pasi pretendon se çështja është e gjykuar nga Gjykata e Krimeve të Rënda. Avokatët pretendojnë se dosja u rihap pa pasur prova të reja.
Sipas SPAK, Behar Bajri akuzohet se organizoi vrasjen si hakmarrje në bashkëpunim me Safet Bajrin dhe ekzekutor direkt Astmer Bilalin.
“Pas vrasjes së shtetasve Boran Bërçana dhe bashkëshortes së tij, Silvi Ndoci (të njohur të të pandehurve) në korrik të vitit 2018, në Shkodër, i pandehur Behar Brajoviq ia ka atribuar këtë vrasje shtetasit Ibrahim Lici, nipit të shtetasit Fatbardh Lici.”, shprehej SPAK pas përfundimit të hetimeve.
Fatbardh Lici u vra në gusht të 2018-ës, teksa po konsumonte kafe në lokalin me qira të të vëllait të tij në lagjen Kiras të Shkodrës.
