Sherret mes adoleshentëve janë kthyer në një problem serioz në shoqërinë shqiptare.
Pas një sherri për arsye banale, një 15-vjeçar ka goditur me thikë bashkëmoshatarin e tij në fshatin Vërdovë të Pogradecit. I lënduari ndodhet në gjendje të rëndë shëndetesore dhe është dërguar me urgjencë drejt spitalit të Traumës në Tiranë.
Uniformat blu bëjnë me dije se kanë vendosur në pranga autorin e dyshuar për veprën penale “Plagosja e rëndë me dashje”.
“Plagosi me mjet prerës (thikë) një bashkëmoshatarin e tij, vihet në pranga 15-vjeçari, autori i dyshuar i ngjarjes.
Mbrëmjen e djeshme, në lagjen nr. 1, Pogradec, në ambientet e një lokali, një shtetas 15-vjeç, banues në fshatin Vërdovë, Pogradec, dyshohet se ka plagosur me mjet prerës (thikë) një bashkëmoshatarin e tij, i cili u transportua në spitalin e Traumës Tiranë, në gjendje të rëndë shëndetësore.
Falë ndërhyrjes të shpejtë, shërbimet e Policisë, bënë të mundur kapjen dhe ndalimin autorit të dyshuar të plagosjes, ku në përfundim të veprimeve procedurale specialistët për Hetimin e Krimeve të Komisariatit të Policisë Pogradec arrestuan në flagrancë 15-vjeçarin për veprën penale “Plagosja e rëndë me dashje”. Në cilësinë e provës materiale u gjet dhe sekuestrua mjeti prerës (thikë)”, njofton policia.
Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.
