E teksa papunësia në vend sa vjen dhe rritet, shumë të rinjë kanë rënë pre e veseve dhe kanë nisur të vjedhin.
Tre raste janë regjistruar këtët të hënë në kryeqytet, të cilat kanë për protagonist moshën nga 16-23 vjeç.
“Specialistët për Hetimin e Krimeve të Komisariatit të Policisë Nr. 3 arrestuan shtetasin J. M., 23 vjeç, banues në Lushnjë, pasi i ka vjedhur me dhunë aparatin celular, një shtetasi”, thuhet në njoftimin e policisë.
Po ashtu një 18-vjeçar ka vjedhur disa produkte, në një market, në rrugën “Frederik Shiroka”.
“Specialistët për Hetimin e Krimeve të Komisariatit të Policisë Nr. 2 arrestuan shtetasin A. I., 18 vjeç, banues në Tiranë, pasi ka vjedhur disa produkte, në një market, në rrugën “Frederik Shiroka“”, bëjnë me dije blutë.
Sikur mos të mjaftonte një i mitur, 16-vjeç ka vjedhur një shumë parash dhe kasën, në një market.
16-vjeçari dyshohet se është autor i 3 rasteve të vjedhjes së shumave të ndryshme të parave, në disa subjekte.
“Gjithashtu, specialistët për Hetimin e Krimeve të Komisariatit të Policisë Nr. 4 arrestuan një shtetas 16 vjeç, banues në Tiranë, pasi ka vjedhur një shumë parash dhe kasën, në një market, në rrugën “5 Maji“”, njofton policia.
