Një aksident ka ndodhur ditën e djeshme në Korçë në rrugën “Muzakajt”.
Makina tip “Benz”, me drejtues shtetasin A. K., ka aksidentuar këmbësorin N. C., rreth 60 vjeç i cili u transportuar për mjekim, në spitalin e Korçës, ku më pas ka ndërruar jetë.
Blutë kanë dal me një njoftim të dyt ditën e sotme teksa njoftojnë se kanë arrestuar shoferin për veprën penale “Shkelja e rregullave të qarkullimit rrugor”.
“Specialistët e Trafikut Urban dhe Interurban të DVP Korçë, në përfundim të veprimeve procedurale, arrestuan në flagrancë shtetasin A. K., 33 vjeç, banues në fshatin Bulgarec, Korçë, për veprën penale “Shkelja e rregullave të qarkullimit rrugor”, pasi në lagjen nr.18, Korçë, në rrugën “Muzakajt”, duke drejtuar automjetin tip “Benz”, ka aksidentuar shtetasin N. C., 69 vjeç, banues në fshatin Çiflig, Korçë, i cili është transportuar për mjekim, në spitalin e Korçës, ku më pas ka ndërruar jetë”, njofton policia.
