Klubi i Partizanit ka vendosur që ndeshja e javës së 24-të të Superiores të luhet në stadiumin “Air Albania”.
Kjo lëvizje e drejtuesve ka marrë edhe miratimin e tifozëve, konkretisht të “Ultras Guerrils”.
Këta të fundit përmes një reagimi duartrokasin vendimin për të luajtur në impiantin modern, ndërsa nuk lënë pa provokuar kundërshtarët.
Ata i kujtojnë derbet e zhvilluara në Elbasan apo në një vit kur u përfol që Tirana ta priste Partizanin në stadiumin e Peqinit.
Në kanalin zyrtar në facebook shkruhej:
“Derbi luhet vetëm aty ku i ka hije, ku ka më shumë tifozë dhe më shumë atmosferë. Stadiumi Partizani, rrëzë malit të Dajtit nuk i ka akoma kapacitetet për të pritur një ndeshje të tillë. Mentaliteti jonë nuk na lejon të bëhemi palë në situata ku tifozeria kundërshtare vendoset me qëllim në kushte të pabarabarta. Këtë e kemi treguar me veprimet dhe me qëndrimet tona ndër vite.
Janë klube të tjera ato që për shkak të frikës së tifozëve kanë dashur të ngujojnë derbin në Peqin, apo për shkak të frikës së humbjes së pronës bashkiake në përdorim kanë parapëlqyer Elbasanin. Janë të tjera tifozeri ato që nga inferioriteti kanë ushtruar presion klubit të vet vetëm që klubi dhe tifozeria kundërshtare të shfavorizohet dhe të vendoset në kushte të pabarabarta duke harruar ngjarjet e mëparshme dhe “ultras mentalityn” që për ta është fjalë e huaj. Veprimet e tyre i shprehën me boj-kot, dhe i paguan me rënie nga kategoria.
Shihemi të hënën… #Kapeqinitifozatirone“
