Deputetja e Partisë Demokratike, Albana Vokshi ka reaguar dhe ka shprehur ngushëllimet për familjarët që u bënë pjesë e ngjarjes tragjike që ndodhi ditën e sotme në Tiranë, ku shtetasi Dan Hutra vrau barbarisht 3 gra në zonën e Paskuqanit dhe Kamzës.
Përmes një postimi në Facebook, Vokshi kritikon sistemin e drejtësisë dhe policinë për mënyrën se si është liruar nga burgu 40-vjeçari dhe si nuk ka asnjë masë parandaluese ndaj tij.
Vokshi shkruan se ky është një krim i paralajmëruar dhe ministri i Brendshëm Bledi Çuçi duhet të japë dorëheqjen si përgjegjës për ngjarjen tragjike dhe pasigurinë e qytetarëve përballë kriminelëve.
Reagimi i plotë nga Albana Vokshi:
“Një krim monstruoz u krye sot në periferinë e Tiranës. Një krim i paralajmëruar!!
Bilanci i dhimbshëm: 3 gra humbën jetën, tre gra të plagosura! I shpreh ngushëllimet e mia më të sinqerta familjarëve e të afërmve të tri zonjave që humbën jetën nga një vrasës serial i liruar vetëm pak ditë më parë. I uroj shërim të shpejtë zonjave të plagosura.
Pas kaq orësh, askush nuk mban pergjegjesi!
Sot në Greqi, Ministri i Transporteve dha dorëheqjen për një aksident me viktima.
Në Shqipëri, Ministri i Brendshëm mjaftohet me një duartrokitje për arrestimin e kriminelit, që është gjëja më minimale.
Ministri i Brendshëm duhet të kishte dhënë dorëheqjen!
Pas kaq orësh, asnjë përgjegjësi morale për mosfunksionimin e hallkave shteterore!!
Edhe sa gra duhet të vriten që të ketë një reagim!!!
I arrestuar 5 herë, i dënuar disa herë me burgim për vrasje, dhunim e përdhunim… sot, i lirë, me kallashnikov në dorë, ka kryer një masakër me gjakftohtësi.
Kjo ngjarje e dhimbshme, e paralajmëruar, nuk u ndal dot.
– drejtësia ka dështuar
– qeveria ka dështuar
– policia ka dështuar
– politika ka dështuar
– shoqëria civile ka dështuar
I tërë sistemi i mbrojtjes së grave nga dhuna ka rënë. Mekanizmi i referimit të mbrojtjes se grave nga dhuna është shkatërruar.
Sot jetët e grave janë të rrezikuara, sot jetët e qytetarëve janë të pambrojtura.
Dhuna ndaj grave dhe vajzave në Shqipēri nuk duhet të mbetet pa autor, edhe nga radhët e gjykatave, prokurorisë, apo institucioneve shtetërore.
Kërkoj nga Inspektoriati i Lartë i Drejtësise nisjen e hetimeve urgjente për të gjithë gjykatat, që kanë nxjerrë nga burgu mbi 5 herë, kriminelin, autor i shumë krimeve që nga viti 2003.
Kjo ngjarje ishte e paralajmēruar si qindra ngjarje të tjera, sepse fatkeqësisht nē vendin tim dhe në vendin tënd, nuk qeveriset, nuk ka drejtësi, nuk ka polici, nuk ka as ambasadorë, por ka vetëm Edi Rama dhe krim të organizuar.
Ka ligje për mbrojtjen e grave- por nuk zbatohen.
Ka rezoluta parlamentare – por nuk monitorohen.
Ka projekte miliona Euro, por nuk ka ndërgjegjësim dhe sensibilizim sa duhet.
Sot duhet reagim!
Të reagojmë për të mbrojtur gratë, për të mbrojtur familjet!
