Kreu i Partisë Demokratike, Sali Berisha sapo ka dalë nga selia blu për t’iu bashkuar protestës së thirrur përballë Kuvendit.
Lideri demokrat po e përshkruan në këmbë rrugën nga selia e PD-së drejt Kuvendit ku pritet të flasë përballë protestuesve që janë grumbulluar prej më shumë se 1 orë përballë institucionit ligjvënës.
Pak minuta më parë disa deputetë të PD-së u përplasën me Gardën e cila nuk lejonte të futeshin në seancë për shkak se janë pezulluar si pasojë e bllokimit të foltores.
Kujtojmë që prej disa javësh tashmë nuk zhvillohet një seancë normale, pasi jashtë Kuvendit protestojnë mbështetësit e Berishës, ndërsa brenda deputetët e opozitës të cilët bllokojnë foltoren dhe fishkëllejnë me bilbila, teksa kërkojnë që kryeministri Edi Rama të paraqitet në Kuvend për të dhënë “llogari” për implikimin e tij në aferën “McGonigal”. Berisha ka bërë të qartë që demokratët do të vijojnë aksionin opozitar brenda dhe jashtë parlamentit.
