Seanca plenare ka nisur me rreth 30 minuta vonesë, pas përplasjeve që u shënuan mes oficerëve të Gardës dhe deputetëve të përjashtuar të Partisë Demokratike në hyrje të Kuvendit.
I pari që mori fjalën nga radhët e opozitës ishte nënkryetari i PD, Luçiano Boçi, i cili rikthehet në Kuvend pasi ka përfunduar përjashtimi me 10 ditë i tij nga Sekretariati i Etikës.
Boçi që në nisje i është drejtuar kryetares së Kuvendit, Lindita Nikolla, duke e akuzuar se ka shkelur ligjin dhe Kushtetutën duke urdhëruar Gardën që të mos lejojë deputetët e përjashtuar të marrin pjesë në mbledhjen e Byrosë, madje duke i shtyrë edhe me forcë.
“Pamjet e shëmtuara të bllokimit të parlamenti nga Garda për të mos lejuar deputetë, përsëritet e përsëritet. Deputetët sot në përputhje me rregulloren kërkuan të jenë prezent në mbledhjen e Byrosë, janë ata që e kanë kërkuar mbledhjen. Ju zonja Kryetare keni urdhëruar Gardën që të mos futen, duke shkelur ligjin”, u shpreh ai.
