Kreu i Partisë së Lirisë, Ilir Meta ka dalë nga ambjentet e SPAK-ut ku qëndroi për më shumë se 3 orë.
I pyetur nga gazetarët se pse ka ardhur në Prokurorinë e Posaçme, ish-Presidenti tha se është thirrur për të dëshmuar për çështjen CEZ-DIA, por shtoi se nuk ka asnjë lidhje me këtë dosje që po heton SPAK-u.
Meta tha se kjo çështje është stërpërsëritur dhe aktivizohet sa herë “Rilindja” është në krizë.
“Janë me dhjetëra kallëzime të mia për çështje konkrete, për ligje me porosi për denoncimit e Kuvendit që u falsifikua firma. Sot kuptova që kishte të bënte me çështje CEZ dhe CEZ-DIAS. Kjo është stërpërsëritur dhe aktivizohet sa herë rilindja është në krizë. Por unë tregoj modelin tim në raport me transparencën dhe që duhet të tregojë çdo qytetar që ka përgjegjësi.
Jam përgjigjur më shumë përgjegjësi si një deklarues që mund të ketë dijeni për rrethana të caktuara. Kam dhënë sqarime sqaruese që kur është rihapur kjo çështja në publik. Që kur doli që manipulonte të dhëna të procesit të arbitrazhit. U përgënjeshtruan të gjitha mediat që kishin përfshirë me pa të drejtë emri e kryetarit të parlamanetit në atë kohë, Ilir Meta sikur kishte përfituar. Ky është përgënjeshtrim i botuar në faqen e kryeministrisë me vetë bekimin e Endri Fugës. Mund të them ato gjera që i thash dhe atje dhe që janë thënë. Ilir Meta nuk ka lidhje me procesin e privatizimit të CEZ-it. Skam asnjë lidhje me marrëveshjesh CEZ-DIA”, tha filimisht Meta.
Meta tha se gjatë 4 muajve si ministër i ekonomisë, CEZ nuk ka përfituar nga qeveria madje kanë patur shpeshherë përplasje.
“Gjatë 4 muajve si ministër i ekonomisë që kam qenë, nga fundi i shtatorit deri në janar, CEZ jo vetëm që nuk ka përfituar nga qeveria, por kemi qenë në debate të vazhdueshme për mungesën e performancës së tyre dhe për shkak të situatës së investimeve. Në dhjetor, pasi ERE mori një vendim, institucion i pavarur, që varej nga Kuvendi, ku favorizohej CEZ, që të shiste energji më lirë CEZ, ministria e Ekonomisë e ka kundërshtuar këtë vendim të ERE-s. Drejtori i KESHI-t Engjëll Zeqo i ka kundërshtuar, përplasja ka qenë aq e fortë sa më pas ish-kryetari i ERE-s dha dorëheqje.
Më tej Meta shton se: “s’mund të ftohem sot për asnjë akt timin, për asgjë që ka të bëjë me përmbushjen e funksionit zyrtar për atë periudhë. Po, padyshim u pyeta. Nëse drejtësia të kërkon të pyetesh, s’mund t’i shmangem. Ajo që mund t’ju them është se pa asnjë diskutim, nuk ekziston asnjë akt, asnjë dokument që Ilir Meta në çdo lloj detyre të ketë favorizuar”, përfundoi Meta.
Rihpaja e hetimit për çështjen CEZ/DIA erdhi pas një kallëzimi në SPAK nga Partia Socialiste. Në vitin 2009, OSSH shiti 75% të aksioneve tek CEZ-DIA, gjatë qeverisjes së Sali Berishës, ndërsa në vitin 2013, kur socialistët morën pushtetin, u bë ndërprerja e kontratës nga kryeministri Edi Rama.
Prishja e kësaj marrëveshje që i shkaktoi buxhetit një dëm mbi 414 mln euro, u bë me argumentin se CEZ nuk kishte bërë asnjë prokurim për të importuar energji elektrike në vjeshtën e 2012, dhe në këto kushte e gjithë kërkesa për energji elektrike përballohej nga rezerva e kaskadës se Drinit.
