Një atentat është parandaluar në orët e para të mëngjesit të sotëm në Elbasan.
Blutë bëjnë me dije se në zonën e quajtur “Ish-Konservimi” pranë stadiumit “Elbasan Arena” është lokalizuar një automjet i parkuar tip fuoristradë, i cili është rrethuar nga dhjetëra forca policie. Brenda mjetit janë gjetur dy armë të llojit kallashnikov, dhjetëra fishekë, si dhe një shishe me lëndë djegëse. Dyshohet se dy personat e punësuar për të kryer atentatin janë vrasës me pagesë. Ata do i vinin flakën automjetit për të humbur gjurmët nga autoritetet.
Dyshimet janë se atentati do të kryhej në qytetin e Elbasanit dhe po punohet për të zbuluar shënjestrën.
Grupi hetimor ka sekuestruar dhjetëra kamera sigurie në bizneset në zonën pranë automjetit të parkuar, për të zbuluar personat që fshihen pas atentatit të dështuar.
