Kreu i Kadastrës Artan Lame ka pranuar se ende brenda këtij institucioni ka raste korrupsioni. Ai u bëri thirrje punonjësve të Kadastrës që të “mos marrin veten në qafë” sepse vetë sistemi i nxjerr përgjegjësit.
Ndërkohë, një thirrje e bëri për qytetarët që duan të punësohen në këtë institucion, për të mos ndërhyrë me deputetë.
“Nuk ka nevojë të ndërhyjë deputeti për t’u punësuar këtu të kesh minimum bagazhi dhe vullnet për të punuar e ne bëjmë punësimi cdo ditë e më shumë. Harrojeni mos shkoni t’i thoni deputetit për punë. ata që janë në Këto specialistete të paraqiten sa herë të dëgjojnë thirrjet tona megjithëse po bëhet gjithnjë e më e vështirë të gjesh specialistë në këto fusha. Integriteti i këtyre punonjësve, kur ka pasur arrestime e denoncime për raste korrupsioni, unë bëj pjesë në ato pak institucione që e kanë pranuar që në nisje që po brenda institucionit ka, ka gjithnjë e më pak, por ka njerëz që shkelin ligjin dhe në këtë pikë dua t’u bëj thirrje punonjësve të Kadastrës. Sa më shumë gjëja të kthehet sistematike e elektronike aq më pak mundësi ka të mos lësh gjurmë. Mos merrni veten kot më qafë. Në gjithë deoncimet e kohëve të fundit prokuroria e policia na është drejtuar kemi nxjerrë nga sistemi lëvizjet e kanë dalë të dukshme kush ka vënë dorë në sistem e cfarë përgjegjësie që ka. U drejohem punonjësve, të mirëve e të këqinjve: mos merrni veten ne qafë. Shtroni kokën në këtë punë se është punë e bukur e vazhdoni t’u shërbeni qytetarëve. Iku koha e letrave e regjistrave që mund t’i grisni sot cdo punë lë gjurmë e ka një përgjegjës në fund”, tha Lame.
Kreu i Kadastrës iu kthye edhe deklaratës se shumë institucione shtetërore janë të paregjistruar mes tyre edhe Presidenca.
Lame thotë se që në kohën kur Meta ishte president ka bërë thirrje publike që ta regjistrohej Presidenca, por siç tha, s’ka marrë përgjigje.
“Meta deklaroi që prona shqiptareve është e pasigurt se kur vetë presidenca është e paregjistruar merreni me mend se c’bëhet me pronën e shqiptarëve. 250 mijë familje që marrin certifikatën i jep përgjigje. Do i kujtoja Metës që kur ka qenë President i kam bërë thirrje publike ejani të regjistroni Presidencën dhe oborrin për ta shpëtuar nga kafshimet. Nuk u përgjigjën në atë kohë”, tha Lame.
Një thirrje e pati edhe për presidentin aktual Bajram Begaj.
“I kam bërë sërish thirrje presidencës para një muaji për ta regjistruar, jo vetëm për ta shpëtuar nga kafshimet e mëtejshme, po se kur një institucion që është në majën e piramidës së shtetit shqiptar jep shembullin në këtë proces do shërbente si busull për shumë familje e institucionet për të bërë regjistrimin e tyre”, u shpreh Lame.
Lame propozoi për uljen e taksës së banesës, e cila aktualisht është 15%.
Lame tha se, nëse kjo taksë do të ulej në 6 ose 8% do bëntë që qytetarët të ishin më të prirur që ta paguanin dhe kështu do të shmangej evazioni fiskal që ipas tij bëjnë me apartamentet përmes noterëve, duke ulur vlerën e tyre apo duke u përpjekur të fshehin pasuritë. Nëse kjo taksë do të ulej, sipas Lames, s’do të kishte më nevojë për rivlerësim. Gjithsesi, Lame tha se, duhet bërë një analizë e mirë për të përcaktuar sa mund të ulet taksa e pronës dhe më pas është në dorë të qeverisë nëse do e pranojë ose jo.
