77-vjeçari Shefki Bylykbashi, i arrestuar për vrasjen e djalit në Maliq, ka deklaruar para policisë se nuk donte që ta vriste.
Bylykbashi ka pranuar vrasjen e të birit. Burime policore bëjnë me dije se ai ka qenë në gjendje të rënduar psikologjike.
Në dëshmisë të dhënë në polici, sipas burimeve policore, tha se djali kishte nisur që të pinte ditë për ditë dhe e bezdiste shumë të moshuarin, duke mos e duruar dot sjelljen e tij.
Ai ka deklaruar se nuk ka pasur konflikt për asnjë arsye me të birin, por fakti që 50-vjeçari vinte në gjendje të dehur çdo ditë në shtëpi, ka bërë që të konfliktoheshin ditën e djeshme.
“Më bezdiste shumë kohët e fundit, ai më parë nuk pinte kështu, por filloi të pinte çdo ditë. Nuk duroja dot më këtë sjellje. Nuk doja ta bëja këtë veprim, nuk doja ta vrisja, por nuk po më mbante më durimi, ma solli në atë pikë që nuk duroja dot më”, mësohet të jetë shprehur ai.
Lexo edhe:
Babai vret djalin në Maliq të Korçës, si u tentua të fshihej ngjarja nga familjarët
