Kreu i Partisë Demokratike, Sali Berisha është shprehur se Edi Rama po përjeton ditët e fundit të pushtetit.
Gjatë një deklarate për mediat, Berisha iu përgjigj akuzave të kreut të qeverisë i cili i etiketoi si “kazan” disa nga mediat amerikane që kanë shkruar për aferën “Rama-McGonigal”.
“U tha medieve amerikane që janë kazan si Nju Jork Post, por tha se serioze janë Uashington Post dhe Neë York Times. Akuzën më të rëndë ndaj Edi Ramës e ka bërë gazeta më e madhe amerikane sot, Uashington Post. Kjo gazetë thotë: “McGonigal ka qenë i zhytur deri në fyt në një pakt sekret me Edi Ramën”. Gazeta vazhdon, se Charles McGonigal ka marrë para për të çuar përpara interesat e kryeministrit shqiptar. Ka sy ky për të lexuar? E mashtron Fuga. Është i shpërqendruar. Po jeton ditët e fundit në pushtet. Ky artikull i kësaj gazete është botuar fjalë për fjalë në gazetën e Pentagonit, Stars and Stripes. Sikundër, gazeta tjetër e madhe, Nju Jork Tajms, thotë se McGonigal ndërmori hapa në dobi të këtij politikani, e ka fjalën për Edi Ramën”, u shpreh Berisha.
Gjithashtu kreu i PD-së, theksoi se Edi Rama nuk ka shans të pengojë të drejtën kushtetuese të parlamentit shqiptar për të kriju.ar komisionin dhe në qoftë se ky beson në këtë, provokon në vend destabilizim të plotë
