Për Edi Ramën inceneratorët janë vepra për të cilat ai ndihet krenar, pavarësisht se ish-ministri i tij i Mjedisit, Lefter Koka dhe ish-deputeti i PS Alqi Bllako, ndodhen pas hekurave për aferën e miliona eurove.
Edhe pse “lau duart” mbrëmjen e sotme në “Opinion” me ish-ministrin e Financave Arben Ahmetaj duke e hedhur në “gojën” e SPAK pikërisht për inceneratorët, kryeministri konfirmoi se është i gatshëm të shkojë deri në fund me pagesat për llogari të koncesionarëve, edhe pse Klodian Zoto, Stela Gugallja dhe Mirel Mërtiri janë shpallur në kërkim ndërkombëtar.
Ai theksoi se sa i takon çështjes korruptive, është drejtësia që do të thotë fjalën e saj dhe personat e përfshirë do të shkojnë aty ku e kanë vendin.
“Çështja korruptive nuk ka të bëjë me faktin që këto janë ndëruar apo nuk janë ndërtuar. Këto janë ndërtuar. Në Fier po përfundon, në Elbasan është në remont. Ka x vite që punon ai. Është nën agjencinë e konfiskimit. Mos këmbëngul në gjëra që janë të gabuara.
Këto janë vepra për të cilat unë jam krenar. Sa i përket çështjes korruptive, me këto merret drejtësia le të shkojnë aty ku kanë vendin. Nuk keni parë gjë akoma. Atje duhet të shkojnë akoma më shumë”, tha Rama.
PJESE NGA INTERVISTA
Lufta e përditshme ju detyron ju të paguani miliona euro për incenerfatorët? Paguani 29 euro për ton?
Rama: 29 euro është mimi i fonderuar për të gjitha vitet. Është më I ulëti në të gjitha krahasimet që kam sjellë këtu.
Gjysma e njerëzve janë në kërkim ndërkombatër do vazhdoni t’i paguani?
Rama: Nëse nuk paguajmë, Tirana mbushet me plehra. Kemi një incinerator në Elbasan që është në remont.
Plehrat duhet të ndahen?
Rama: Mos u fut në gjëra që nuk i kupton. Çështja korruptive nuk lidhet me punon apo jo inceneratori.
Elbasnai ka dy vjet që nuk punon?
Rama: Kam qenë dhe do të jem krenar, por janë bërë pisllëqe dhe me këto merret drejtësia dhe le të shkojnë në burg.
