Kryetarja e Kuvendit, Lindita Nikolla, nga seanca parlamentare i është drejtuar me një letër të gjatë deputetëve të opozitës, të cilët kërkojnë shkarkimin e saj.
Ajo shprehet se nuk do të tërhiqet nga misioni i saj pasi nuk ka bërë asnjë gabim. Nikolla nënvizon se është ndjerë e prekur nga kërkesa mirëpo kauza e saj nuk do të ndalet për këtë shkak.
‘Prita me qetësi kërkesën e 28 deputetëve për shkarkimin tim. Dua të citoj thënien e një kolegeje e cila ka vendosur firmën: është një nga njerëzit më të butë që mund të drejtojë këtë parlament.
Dhe unë dhe ju duhet të kontribojmë që Kuvendi të mos jetë arenë grindje. Ktheva kokën dhe pashë ku kisha gabuar, por pashë se kishin ardhur jo për shkakun tim. Nuk e paragjykoj si dobësi e juaja por e drejta juaj për ambicia. Dhe pse e prita me qetësi nuk mund të mohoj se ndihem e prekur. Ka një shkak, prej Foltores, nën emociones dhe ngutjes për t’ja rrëmbyer njëri tjetrin kauzën kundër mazhorancës.
Faktet janë 1. Unë nuk do tërhiqem nga misioni. Unë kështu vijova dhe kështu do vijoj.
Unë nuk do ju përgjigjem kurrë me të njëjtën monedhë. Zyra e kryetares së Kuvendit ka qënë dhe do jetë e hapur për ne. Me vetëdije jam e prirur të kem ndjeshmëri të madhe, acarimet nuk e lejojnë që të duket. Nuk më dekurajoni. Ne nuk jemi armiq.
Unë pranova kërkesën për interpelancë, e përfshiva në rendin e ditës, vijova me celjen e seancës. Në asnjë nga veprimet e mësipërme nuk u bëra shkak. Unë kam përgjegjësi individuale për zhvillimin e seancës. Nuk ishte qëllimi por plani juaj për të dështuar seancën. Ju e vuat seancën në vështirësi dhe mua në pozitë. Të mos t’ju shkojë në mendje se do të prishni seancat. Unë i qëndroj besnike detyrës time.’– thotë ndër të tjera Nikolla.
