Deputeti Belind Këlliçi është përjashtuar për 5 ditë nga punimet në Parlament. Ai deklaroi ditën e sotme se moslejimi në Kuvend i deputetëve të përjashtuar të opozitës nga punonjësit e gardës është një “çmenduri e Edi Ramës dhe Lindita Nikollës”.
Në fjalën e tij në protestën që po mbahet para Parlamentin, Këlliçi deklaroi se donte të futej në Kuvend për ti drejtuar dy pyetje qeverisë. E para ka lidhje me banorët e Kombinatit të cilët kanë dy muaj pa marrë bonusin e qerasë dhe e dyta lidhet me numrin alarmant të shqiptarëve që kërkojnë azil në vendet e BE dhe jo vetëm.
“Deri në pritje sa të vijë Dr. Berisha, do të’u them nja dy “sihariqe” që morën vesh sot që në mëngjes. E para, arsyeja pse donim të hynim në parlament ishte për të bërë nja dy pyetje. Se u pyeta nga gazetarët qëparë pse do të hysh sot në seancë kur nuk është çështja e McGonigali!!!
Por kisha nja dy pyetja, e para se takova banorë të Kombinatit që më thanë se kemi dy muaj që nuk marrim bonusin e qerasë. Doja të bëja pyetje a mund të jepni ndonjë përgjgije se çfarë bëhet me këta banorë se janë nja 100 familje aty, meqë qenka çështje kaq e parëndësishme për parlamentin.
E dyta, mora një statistikë që numri i shqiptarëve që kërkojnë azil nga 2021 në 2023, me katërmijë përqind, doja të pyesja a keni ndonjë të dhënë për këto?!”- tha Këlliçi.
