Nënkryetari i Partisë Demokratike, Oerd Bylykbashi, është shprehur se misioni i OSBE-ODIHR ka njohur vendimet e Kuvendit të 11 dhjetorit dhe praktikisht ka njohur PD-në e udhëhequr nga Sali Berisha.
Komentet Bylykbashi i bëri për emisionin “Log” në Panorama TV ku ishte i ftuar, teksa tha se është tërësisht antikushtetuese që Alibeaj u bë palë në në Gjykatën e Apelit, në çështjen për “vulën” e PD-së.
Ai shtoi se këto janë përpjekje të kryeministrit Edi Rama për të mos lejuar pjesëmarrjen e Partisë Demokratike në zgjedhje.
“Gjykata ka një vandak me prova. Rasti që flasim ne, ky lloj vendimi, gjyqtari sheh aspekte të thjeshta të formës dhe nuk thellohet në këtë fazë. Alibeaj, Basha apo dikush tjetër, mund të bënte padi dhë të kërkonte që të hidheshin poshtë vendimet e gjykatës. Ajo çka është anti-kushtetuese, është se Alibeaj u bë palë në Apel, duke mos qenë palë. Më pas është verifikuar edhe kuorumi i Kuvendit të 11 dhjetorit.
Edhe gjykata e ka verifikuar se Kuvendi i 11 dhjetorit ishte real. Misioni ndërkombëtar i OSBE-ODIHR cilësonte Oerd Bylykbashi është nënkryetar i PD-së. Ata kanë bërë edhe vizitë në selinë e PD-së. Na kanë njohur zyrtarisht si parti. Përveç 3 marsit, gjykata e Apelit që të rrëzojë vendimin e Shkallës së Parë, duhet të bëjë shkencë, që nuk e bën dot. Celibashi ka thënë se unë mund të mos e regjistrojë fare PD-në në zgjedhje. Imagjinoni çfarë do të thotë kjo. Partia më e madhe e opozitës të mos regjistrohet në zgjedhje, e dini se çfarë do të thotë kjo? Po shkojmë në një gjë që është e madhe.
Rama po përpiqet të stimulojë mos’hyrjen e opozitës në zgjedhje. Rama kërkon gjithë pushtetin vendor për vete, për zgjedhjen e 2025. Alibeaj mund të bënte aktin perfekt, të tërhiqte padinë, është nëjsoj si të heqësh një ashkël nga plaga. Ose do e heqë mjeku, pra gjykata, ose ai vetë. Nëse e heq Alibeaj, plaga në trupin e PD-së mbyllet”, u shpreh Bylykbashi.
