Kategoria e Parë ka luajtur dy ndeshjet e saj të radhës në javën e 15-të.
Besa arriti të merrte tre pikët përballë Besëlidhjes në takimin që u luajt në Berat. Ishte Onuh që me një gol në minutën e 41’ dhe më pas Hoxha në 90+1 që vendosën fatet e këtij takimi.
Kavajasit vazhdojnë të jenë në zonën “playoff” për t’u ngjitur në Superiore, ndërsa lezhjanët zbresin në vendin e fundit të tabelës.
Sa i përket takimit tjetër, Turbina surprizoi duke mundur në shtëpi Apoloninë me rezultatin 1-0.
Goli i Jusuf në minutën e 58’ ishte ai që i dha tre pikët cërrikasve, duke i larguar nga vendi i fundit, ndërsa fierakët vazhdojnë të jenë në garën për mbijetesë.
REZULTATET:
BESA – BESËLIDHJA 2-0
TURBINA – APOLONIA 1-0
