Policia ka dhënë detaje të reja lidhur me konfliktin që ndodhi një ditë më parë në Shkodër, ku tre të rinj kërcënuan me armë zjarri një shtetas.
Blutë bëjnë me dije se tre të arrestuarit, Aleksandër Prendi, Andrea Cara dhe Erjon Uka, dyshohet se ishin gjobëvënës në zonën e Vaut të Dejës.
Mësohet se 3 autorët dhe personi që u kërcënua nga ata, kanë pasur fillimisht një debat në telefon për motive që ende nuk dihen.
Më pas, 3 autorët kanë kërcënuar në derën e dyqanit të riun, por nuk përjashtohet mundësia që autorët të kenë pretenduar t’i vendosin gjobë atij.
Gjithashtu për 3 të arrestuarit policia ka prova se janë autorë të djegies së 4 automjete në 2 muajt e fundit në zonat përreth.
Djegia e automjeteve dyshohet se është kryer për gjobëvënie, Prendi, Cara dhe Uka njihen në zonë si persona problematik.
