Autoritetet britanike kanë dënuar me burg një 44-vjeçar shqiptar i arrestuar në gusht nën akuzën për posedim droge.
Mediat e huaja shkruajnë se, Elton Bakijasi, është arrestuar më 3 gusht të vitit të kaluar në Bringthon, pasi dyshohej se përdorte makinën e tij për të shpërndarë drogë.
Në makinë u gjetën 27 doza me kokainë si dhe prova që Bakijasi përdorte një leje drejtimi të rreme italiane.
“Kapja e kriminelëve dhe mbajtja e sigurt e komuniteteve tona është një punë gjatë gjithë ditës, e kryer çdo ditë të vitit. ”, tha Kryeinspektori i policisë së Sussex, Andy Saville pas kapjes së 44-vjeçarit.
Bakijasi u dënua me 2 vjet e 8 muaj burg dhe pasi të shlyejë detyrimin do të dëbohet për në Shqipëri.
