Ministri i Brendshëm, Bledi Çuçi ka folur për herë të parë pasi të gjithë qytetet ishin kthyer në një “big Brother” të vërtetë të grupeve kriminale të cilat monitoronin jo vetëm lëvizjet e policisë por edhe duke shkelur privatësinë e qytetarëve shqiptarë.
Të gjithë e dinë se vendosja e qindra kamerave “spiune” nuk kishte si të mos merrte “bekimin” e drejtuesve të policisë, ndërsa sot Ministri i Brendshëm, Blendi Çuçi ka habitur me deklaratën e tij duke e shitur këtë aksion si sukses të uniformave blu që deri sot kishte mbyllur sytë përballë krimit të organizuar.
Për të justifikuar dështimin e policisë, Çuçi deklaron se “krimi i organizuar” ishte kamufluar si biznes për të montuar kamera jo vetëm në objekte të caktuara por edhe shtyllat elektrike, semaforët apo ndriçuesit e rrugëve që prej kohësh ishin kthyer në funksionon të bandave kriminale.
“Lajmi këtu është që ne po ndërhyjmë dhe kjo është pozitive për luftën ndaj krimit të organizuar. Ka patur një lloj kamuflimi pasi çdo biznes ka detyrim të mbajë kamera, por unë mendoj t’ja lemë të shkuarës dhe të shohim punën që po bën policia për të dhënë një tjetër mesazh për krimin e organizuar që nuk ka hapësira më për të krijuar një mjedis për të jetuar të lirë. Ky është fillim i mbarë i Policisë së shtetit”, tha Bledi Çuçi.
