Grupi i Partisë Demokratike në Kuvend ka dorëzuar zyrtarisht në Kuvend shkresën të shoqëruar me 28 firma për nisjen e procedurës së shkarkimit të Lindita Nikollës.
Sipas ligjit, shkresa i drejtohet Këshillit të Legjislacionit në Kuvend. Grupi Alibeajt nuk i ka bërë me dije zyrtarisht emrat e 28 deputetëve që kanë firmosur kërkesën.
Raportohet se 4 deputetë që janë bashkuar në këtë iniciativë për largimin e Nikollës nga drejtimi i Kuvendit janë nga PD e drejtuar nga Berisha.
Grupi i PD e akuzon Lindita Nikollën për shkak të shkeljes flagrante të Rregullores, minimit të parlamentarizmit dhe funksionimit demokratik të Kuvendit, bazuar në pikën 4, të nenit 114 të Rregullores.
Sipas demokratëve, Nikolla e mbylli seancën e kaluar të kuvendit për të mbrojtur kryeministrin Edi Rama.
