Kryetari i Partisë Demokratike, Sali Berisha do të mbledhë në orën 19:00 kryesinë e kësaj force politike.
Berisha do të mbledhë kryesinë për të diskutuar për aksionin opozitar dhe protestat.
Kujtojmë që prej publikimit të skandalit të McGonigal opozita akuzon kryeministrin Rama se ka korruptuar zyrtarin e lartë të FBI-së. Pas këtij skandali, Kreu i PD, Sali Berisha ka thënë se tashmë aksioni i opozitës ka hyrë në fazën finale, që sic e konsideron ai është largimi i kryeministrit Rama.
Berisha paralajmëroi pak ditë më parë se Tirana do të derdhet e tëra në protestë dhe Shqipëria do të marshojë në kryeqytet.
“Do njoftohet data e protestës dhe do të organizohet protesta më e fuqishme. Tirana do të derdhet e tëra në protestë dhe Shqipëria do të marshojë në kryeqytet. Nuk ka shqiptar që të pranojë një kryeministër si ky. Një kryeministër që paguan dhe përdor si lidhje për t’i dhënë një goditje tmerrësisht të rëndë opozitës. Shqiptarët nuk do t’ia falin kurrë Edi Ramës. Nuk do të pranojnë kurrë një kryeministër të tillë.”, tha ai.
