Zjarri që përfshiu mëngjesin e sotëm uzinën e Përpunimit të Thellë të Naftës në Ballsh, ka lënë të plagosur një punëtor.
Sipas policisë, zjarri ka rënë rreth orës 07:20 në repartin e “Koksit”, ku digjen mbetjet toksike të naftës. Si pasojë e zjarrit është dëmtuar lehtë 53-vjeçari L.Y, banues në fshatin Drenovë, Mallakastër, i cili po merr mjekim në spital.
Në vendngjarje kanë shkuar forcat zjarrfikëse, të cilat po punojnë për shuarjen e plotë të zjarrit që është vënë nën kontroll. Pamjet tregojnë se si qyteti i Ballshit u mbulua nga re të mëdha tymi. Gjithashtu qytetarët ankohen se era e rëndë ndihet në gjithë qytetin.
https://www.youtube.com/watch?v=sy3LyAWs3jU
