Një 32-vjeçar i shpallur në kërkim, është arrestuar ditën e sotme nga Policia e Korçës.
Blutë bëjnë me dije se shtetasi A.M, ishte dënuar me burg muajin prill të vitit të kaluar, ndërsa sot është bërë i mundur lokalizimi dhe arrestimi i tij.
“Specialistët për Hetimin e Trafiqeve të Paligjshme dhe Narkotikëve të DVP Korçë, ndaluan shtetasin në kërkim A. M., 34 vjeç, banues në Korçë, pasi Gjykata e Rrethit Gjyqësor Korçë, me vendimin e datës 19.04.2022, i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”, kryer në bashkëpunim”,- thuhet në njoftimin e policisë.
