Edi Paloka thotë se, Agron Neza, personi i përfolur në dosjen amerikane, nuk ka lidhje me PD-në.
Edi Paloka shtoi se Neza është djali i ish-sekretarit të parë të Tropojë për Partinë e Punës dhe ka punuar në SHISH.
Ai shtoi se zyrtarit të FBI-së i janë paguar hotelet dhe udhëtimet për ta sjellë tek Rama.
Paloka: Nuk ka asnjë lidhje me PD-në. Ai tha se është fis me këtë dhe atë, dhe dihet se në Tropojë lidhje farë e fisnore aty janë. Ky është djali i ish-sekretarit të parë të Tropojë për Partinë e Punës dhe ka punuar në SHISH.
Ky është Neza që Rama bën sikur nuk ka njohje dhe merr shefin e FBI dhe e sjellë në Shqipëri dhe e paguan 225 mijë dollarë dhe Rama nuk di gjë. Apo që Duçka i paguante udhëtimet dhe hotelet për ta sjellë tek Rama, por ai nuk e dinte. Nuk ka budalla që i ha këto.
Dihjet se kryesori në këtë hetim është oligarku rus, miku i Putinit, i cili sot rezulton edhe investitor strategjik në vendin tonë. Rama në këtë gjë është në krye dhe thotë se nuk ka lidhje.
Qëllimi i vetëm është lufta kundër opozitës. Shkon deri aty sa shkon që të korruptojë një zyrtarë të FBI-së për ta përdorur për qëllime pushteti në Shqipëri. E vetmja zotësi e Ramës në këto vite është korrupsioni sepse korrupton edhe ambasadorë dhe përfaqësues të lartë.
Rama tha se Neza vjen nga Lëvizja Demokratike dhe është shumë i afërt i të ndjerit Azem Hajdari, fis me Besnik Mustafaj.
Rama: Fola për zotin Agron që vjen nga Lëvizja Demokratike, shumë i afërt i të ndjerit Azem Hajdari, fis me Besnik Mustafaj, njerëz të nderuar padiskutim, të cilin se kam njohur më parë asnjëherë dhe nuk kam shkëmbyer as letra as interesa. E kam takuar vetëm në praninë e zyrtarit të lartë të FBI. Sa i përket personit tjetër ka qenë zëvendësministër i Energjitikës në koalicionin e vitit 2013 dhe pastaj për një farë kohe ka punuar pranë meje pa pagesa.
