Nga Boldnews.al
Si një njohës “i mirë” i kanalizimeve të nëndheshme, kryebashkiaku i Tiranës Erion Veliaj tha se Bashkia e New Yorkut kishte probleme me minjtë, ndërsa Bashkia Tiranës sipas tij nuk e kishte një fenomen të tillë, duke nënkuptuar se qëkur ai ka marrë drejtimin e kryeqytetit në vitin 2015 edhe mijtë janë larguar…
Këtë deklaratë e dha para arkitektëve me të cilët pati një takim. E dëgjonin me admirim “arkitektët e betonit”, të cilët në kohën e drejtimit të bashkisë nga Veliaj kanë pasur punë, shumë punë. Kulla, pallate të larta dhe komplekse të mëdha vilash në periferi në Tiranës kanë kaluar nga studiot e tyre. Emri i Veliajt mund të “fshihet” me kalimin e viteve, ku mjafton të humbasë në një palë zgjedhje dhe të parët që do i hapin “gropën” (jo gropën e kullave), do të jenë pikërisht të tijët. Megjithatë, emri i arkitektëve do të mbesë në shëmtirën urbane që sot jo vetëm të zë sytë, por edhe frymën.
Aty në sy Veliaj u kërkoi arkitektëve që të mbronin ndërtimet në Tiranë, pasi sipas tij vetëm në këtë mënyrë do zhbëhet “lgjenda urbane” se Tirana është kthyer në një vend të pajetueshëm për shkak të ndërtimeve kaotike. Por thelbi i atij takimi ishte më shumë se ndërtimi. Është çështja e minjve. Vështirë të besohet se qenkan rralluar minjtë, por edhe nëse kjo është e vërtetë, shkaqet janë të shumta. Miu largohet edhe nga betoni i aligarkisë, për të mos gjetur vend as në kanalet nëntokësore pasi nëse dalin i shtyp betonierja.
Veliajt i nevojitet një studim, mbase me “prokurim të drejtëpërdrejtë” për të kuptuar seku kanë shkuar minjtë? Mos shumë prej tyre kanë gjetur ushqim të bollshëm në periferi të Tiranës? Aty ka plot bereqet, aty hahet mirë, aty gatuhen politikat e mëdha. Është bota oligarkike dhe politika në pushtet e cila ka zgjedhur që ditën të “jashtëqisë” në zonën urbane të Tiranës, duke nxjerrë nga zorra e kamionëve të tonazhit të rëndë beton dhe dioksid karboni dhe në darkë bëjnë “orgji politike” në vilat luksoze ku ajri është më i pastër, gjelbërimin e kanë aty dhe qetësinë gjithashtu.
Halli mund të jenë mijtë të cilët kanë vetinë e shtimit pikërisht në vendet ku gjejnë të hanë. Ata që njihen si “toka arë” në rrethinat e Tiranës bashkia po I kthen në troje për oligarkinë e cila ka vendosur të ndahet nga “njerësit e zakonshëm” që jetojnë dhe punojnë në Tiranë, nën zhurmën e kamionëve të oligarkisë, betonit dhe kullave që shpëlajnë parënë e pisët që “filtrohet” nga gjirizet e perifërisë, aty ku edhe minjtë kanë gjetur hapitatin e tyre.
