Kryetari i Partisë së Lirisë, Ilir Meta ka folur për përmbytjet e shkaktuara në Shkodër nga reshjet e dendura të shiut.
Meta u shpreh se shkak është bërë qeverisja e korruptuar dhe administrimi i keq nga ana e KESH e cila duhet të kishte nisur shitjet e energjisë që në datë 16 Janar. Ai shton se 1400 hektarë tokë në Shkodër janë përmbytur si rezultat i administrimit mafioz të energjetikës në vendin tonë.
Meta deklaron se fondet e dhëna nga qeveria për kullimin janë skandaloze dhe nuk mund të përballojnë situata të tilla. Ai shton se problematika më të cilën po përballen qytetarët e Shkodrës është hapja e kaskadave të Drinit.
“Shpreh keqardhjet për përmbytjet e ndodhura në Shkodër si rezultat i qeverisjes më të korruptuar deri në palcë e cila brenda tre muajsh e përmbyt tre herë Shkodrën për shkak të korrupsionit të saj dhe nuk i dëmshpërblen banorët. Kjo gjendje kur mbi 1400 hektarë është përmbytur është rezultat i administrimit mafioz të energjetikës në vendin tonë.
Tani shkakton prurjet në Fierzë dhe përmbyt shtëpitë e qytetarëve. KESH mund të dilte në shitje ditë më parë dhe jo në datë 16 janar. Fondet e dhëna nga qeveria për kullimin janë skandaloze dhe nuk mund të përballojnë situata të tilla. Problematikat më të cilat po përballen qytetarë e Shkodrës është hapja e kaskadave të Drinit.
Mungesa e ndihmës për ata që i janë përmbytur pronat dhe gjithçka tjetër është një mungesë e plotë përgjegjësie për drejtuesit e sistemit energjetik që e kanë administruar në mënyrë mafioze situatën, Me fatkeqësinë e shkodranëve ngrohin duart e tyre”, deklaroi Meta.
