Moti i keq ka sjellë probleme me furnizimin me energji elektrike në Shkodër.
Bashkia raporton se po ashtu rritet të nivelit të lumit Drin dhe liqenit të Shkodrës.
“Niveli i lumit Drin (hidrometri ura e Bahçallekut) shenon kuoten 6.05 m me nje rritje prej 25 cm me oren 18.00 te dates 17.01.2023 (kuota max 7.50 m). Niveli i Liqenit (hidrometri ura e Bunes) shenon 7.40 m me nje rritje prej 15 cm me oren 18.00 te dates 17.01.2023 (kuota max 8.70 m). Nuk raportohen problem permbytjesh. Thuajse ne te gjitha njesite administrative ka probleme me mungesen e energjise e elektrike. Grupet e EC te Bashkise Shkoder jane ne monitorim te vazhdueshem te situatës”, thuhet në një njoftim të bashkisë.
Bashkia e Pukës ka raportuar se nuk ka pasur energji elektrike ne NJAD Kelmendit, Shkrel dhe Gruemire.
Bashkia Vau Dejës, nga ana tjetër, raporton se mungon energjia elektrike ne njësinë administrative Hajmel.
Ndërkohë, në segmentin Dedaj-Boge është rritur niveli i përrenjve dhe uji derdhet sipër rrugës. Kalimi behet me rruge alternative.
Ndërkohë, kanë nisur shkarkimet nga hidrocentrali i Vau Dejesit.
Po shkarkohet me 1700 m3/s, konfirmoi shefi i emergjencave civile ne prefekturën e qarkut Shkodër, Pëllumb Dani.
