Detajet e reja e bëjnë akoma më dramatike ngjarjen e ndodhur në Grmash pasditen e sotme, ku një fugon doli nga rruga.
Sipas të dhënave që jep policia, 9 persona janë dërguar për ndihmë mjekësore në spitalin lokal, mes tyre edhe fëmijë. Burime nga spitali i Gramshit bëjnë me dije se një person ndodhet në gjendje të rëndë shëndetësore. Ai është shoferi i mjetit, saktëson Policia.
“Aksidenti ka ndodhur në fshatin Bërsnik i Sipërm, ku mjeti autoveturë tip Fuoristradë me targa AA 572 EZ drejtuar nga K.D., 30 vjeç banues në fshatin Posnovisht, ka dalë nga rruga.
Si pasojë është dëmtuar vetë drejtuesi i mjetit i cili ndodhet në gjendje të rëndë.
Gjithashtu janë dërguar për ndihmë mjekësore në Spitalin e Gramshit pasagjerët shtetasit; N.H., 55 vjeç, M.A., 25 vjeç, K.F., 9 vjeçe, E.V., 8 vjeçe, A.Sh., 8 vjeçe, L.V., 10 vjeç dhe H.V., 9 vjeçe”, bëjnë me dije burime zyrtare nga Policia.
Pas marrjes së njoftimit lidhur me aksidentin, policia ndodhet në vendngjarje dhe po punon për përcaktimin e shkaqeve të aksidentit.
