Ndërsa rrugët kryesore të Tiranës janë kthyer në kantier ndërtimi, mjaft rrugë dytësore mes lagjeve periferike, janë lënë në harresë.
Sekretari i Përgjithshëm i Partisë së Lirisë, Tedi Blushi, ka postuar së fundmi një video nga rruga “Eshref Duka”, në Njësinë Bashkiake Nr.9, e zhytur mes baltës e gropave me ujë.
Sipas denoncimit të Blushit, kjo rrugë e cila vazhdon të ‘notojë’ në pellgje gjatë dimrit, është lënë në harresë prej 8 vitesh nga Bashkia e Tiranës.
“Sot në Njësinë Bashkiake Nr.9, në Rrugën “Eshref Duka”, një tjetër zonë e lënë në harresë prej 8 vitesh nga Bashkia e Tiranës.
Uji u ka arritur qytetarëve në pragun e shtëpive, që edhe në këtë me diell, u duhet të dalin nga banesat me çizme. Kjo është Tirana e vërtetë, përtej fasadave dhe reklamave që shet Erion Veliaj!
Në 14 Maj Tirana do ta ndëshkojë me votë!”,- shkruan Blushi në Facebook.
