Ministri i Brendshëm, Fatmir Xhafaj, paralajmëroi goditjen e 4 grupeve kriminale në kuadër të operacionit “Forca e Ligjit”. Duke folur në Kuvend për pr/buxhetin e 2018, Xhafaj tha se ai plotëson realizimin e prioriteteve, ndërsa shtoi se do të përdoren edhe pajisje speciale për të luftuar krimin.
‘Forca e Ligjit’ do të luftojë krimin e organizuar. Goditja e një prej 5 grupeve të skeduara në atë rajon do të vijojë. Jemi në fund të grumbullimit të të dhënave të grupeve kriminale, një data baze për personat e përfshirë në këtë biznes.
Jam ulur në atë karrige jo për interesa e ambicie personale por për më shumë rend e siguri për t’u siguruar që reforma e re e drejtësisë do zbatohet për të qene të gjithë të barabartë përpara ligjit. Lufta kundër krimit është një sfidë e madhe për të gjithë ne. duhet ta fitojmë dhe do e fitojmë”, tha Xhafaj, ndërsa premtoi pastrimin e rradhëve të policisë nga të inkriminuarit.
