Pandeli Majko, ministër për Diasporën, nuk ka kursyer kritikat në lidhje me pr/buxhetin për vitin 2018, madje duke kërkuar edhe rishikimin e tij. Majko më konkretisht është ndalur në rritjen e pensioneve, madje ka ironizuar kolegët e tij të mazhorancës, për përmendjen e shifrës 10 % të rritjes së tyre.
Ne për çdo rritje që bëjmë flasim me përqindje. Qeveria thotë se u rritën pensionet me 10%. Por 10% e pagës sonë i thonë një darkë, ndërsa 10% e një pensioni është një kofshë pule, për të mos thënë që është vetëm ajo këmba e pulës.
Është momenti që të shkëputemi nga teknika e përqindjeve. Pasi 10% është pak i ndryshëm në këndvështrime të ndryshme”, tha Majko.
