Punonjësit e Portit të Shëngjinit janë ngritur sot në protestë për shkak të mungesës së pagave dhe mospërfitimin e shpërblimit të qeverisë.
Për mediat të revoltuar ata janë shprehur se ky insitucion po shkon drejt falimentimit për shkak të keqmenaxhimit.
Ndër të tjera ata u shprehën se pagat nuk po u jepen në datën e caktuar.
“Pagën nuk na e japin në datën e caktuar, në datën 1, por shkon deri më 23. Nuk po marrim rrogën, shpërblime jo e jo.
Nuk e kuptoj përse kërkojnë punëtorë. Që kur ka ardhur ky drejtor vonohen pagat. Na kanë shkatërruar”, ka thënë një nga protestuesit.
