Një këmbësore është përplasur mëngjesin e sotëm nga një automjet në rrugën “Ali Demi” në Vlorë.
Një automjet me drejtues ende të paidentifikuar, ka aksidentuar shtetasen V. H., rreth 60 vjeçe, e cila ndodhet në spital, nën kujdesin e mjekëve. Ngjarja ka ndodhur rreth orës 09:40.
Pas aksidentit, drejtuesi i automjetit është larguar nga vendi i ngjarjes.
Grupi hetimor po punon për zbardhjen e rrethanave të aksidentit, identifikimin dhe kapjen e drejtuesit të automjetit.
