Një aksident fatal ka ndodhur mbrëmjen e djeshme në aksin rrugor Fushë Bulqizë-Shupenzë, në vendin e quajtur ‘Ura e Gjoricës’ i cili u ka marrë jetën tre personave, ndërsa katër të tjerë kanë mbetur të plagosur.
Viktimat janë nga e njëjta familje: Lulzime Istrefi dhe vëllezërit Murat e Kujtim Istrefi, nga Maqellara.
Ndërsa të plagosur kanë mbetur Mërgim Lazri, Edison Lazri, Kadrie Markeçi dhe Firuze Istrefi.
Policia ka reaguar sërish në lidhje me aksidentin teksa njofton se është arrestuan Edison Lazri, banues në fshatin Bllatë, Dibër i cili drejtonte makinën.
“Specialistët e Sektorit të Policisë Rrugore në DVP Dibër, arrestuan shtetasin E.L., 28 vjeç, banues në fshatin Bllatë, Dibër. Arrestimi i tij u bë pasi me datë 04.01.2023 rreth orës 18.15, në aksin rrugor Bulqizë-Maqellarë në urën e fshatit Gjoricë duke drejtuar automjetin tip ‘Benz’, është përplasur me një automjet tjetër tip ‘Benz’, që drejtohej nga shtetasi K.I., 55 vjeç, banues në Maqellarë”, njofton policia.
Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme.
