Të tjera detaje kanë dalë në dritë sa i takon operacionit “Smoke Snake”; të finalizuar nga Antimafia e Napolit, që çoi në shkatërrimin e bandës që trafikonte heroinë nga Shqipëria.
Mësohet se hetimet rreth grupit kanë nisur që në qershor të vitit 2016, në bashkëpunim me Policinë e Shtetit, Guardia di Finanza-n dhe Policinë Italiane nëpërmjet Zyrave Ndërlidhëse në Itali dhe Tiranë.
Gjatë orëve të para të mëngjesit janë ekzekutuar 21 urdhër arreste, për 21 shtetas, 18 prej të cilëve italiane dhe 3 shqiptarë. Shqiptari me iniciale L. C. vjeç 36 u arrestua sot gjatë operacionit, ndërsa dy të tjerë janë arrestuar më parë në flagrancë po në kuadër të këtij operacioni. E. N. 26 vjeç ka qenë i arrestuar dhe iu bë njoftimi i urdhër arrestit në burg. Ndërkaq, E. Sh 39 vjeç, ka qenë i arrestuar dhe iu bë njoftimi i urdhër arrestit në burg.
Në total janë sekuestruar 38 kg marijuanë dhe 8 kilogramë Heroinë, 500 mijë euro pasuri: 2 apartamente, 1 autoveturë, 3 kompani, 65 llogari bankare 18.000 euro në cash. Në “rrjetën” e policisë përfunduan edhe asete të tjera të përfituara nga veprimtaria kriminale që kalojnë shifrën gjysmë milionë euro. /TPZ.al/
