Pasi u kthyen në atdhe për të festuar festat e fundvitit, emigrantët shqiptarë kanë nisur largimin për në vendet ku jetojnë e punojnë, për t’iu rikthyer normalitetit.
Kjo ka shkaktuar edhe radhë në pikën kufitare të Kakavijës, ku raportohet të ketë edhe probleme me sistemin.
Në 24 orët e fundit në këtë pikë doganore janë rregjistruar 1247 hyrje dhe 2201 dalje.
Ndërkohë që nga ora 24:00, janë regjistruar në hyrje 682 shtetas dhe 157 mjete, ndërsa në dalje 1885 shtetas dhe 548 mjete.
Për shkak të fluksit të lëvizjes, pala shqiptare po punon me 5 sportele, 1 në hyrje dhe 4 në dalje.
Situatë e ngjashme raportohet edhe në Kapshticë, ku në datë 1 janar kanë hyrë 1343 shtetas dhe kanë dalë 2617.
Sa i përket pikës së kalimit kufitar në Qafë Thanë, kanë hyrë në territor shqiptar 1492 persona dhe kanë dalë 1904.
