Tre persona dyshohet se janë helmuar nga uji në një restorant në Shkodër. Burime zyrtare nga policia konfirmuan se rreth orës 23:30 të së Entjes, në Spitalin Rajonal Shkodër janë paraqitur për të marrë ndihmë mjekësore, shtetasja A.Z., 41 vjeçe dhe djali i saj A.Z., 14 vjeç, banues në Malësi të Madhe, si dhe shtetasi M.M., 30 vjeç (kamarier i lokalit), banues në Shkodër.
Sipas hetimeve paraprakë, ata dyshohet se janë helmuar nga uji i konsumuar në restorant. Të njëjtat burime shtuna se gruaja 41 vjeçe dhe djali i saj janë dërguar për mjekim më të specializuar në Tiranë.
“Grupi hetimor, në bashkëpunim me Drejtorinë Rajonale të AKU-së, Shkodër, nën drejtimin e Prokurorisë pranë Gjykatës së Rrethit Gjyqësor Shkodër, vijon intensivisht punën për sqarimin e plotë të rrethanave të kësaj ngjarjeje”, mbyllet njoftimi i bluve.
Ndërkaq, mësohet se prokuroria e rrethit në bashkëpunim me Autoritetin Kombëtar të Ushqimit pro procedojnë me bllokimin e resorit (hoteli, restoranti dhe bari) ku u helmuan tre personat.
Helmimi nga uji, dyshohet se kishte acid
Nga hetimet e para, siç bëjnë me dije burime pranë grupit hetimor, tre personat janë helmuar pas konsumimit të ujit të ambalazhuar që shërbehej në restorant.
Dyshimet kanë se bashkë me ujin kanë konsumuar acid, pasi sipas mjekëve, pacientët kanë paraqitur shenja të djegies në ezofag dhe stomak.
Lexo edhe:
Menaxherja e restorantit ku u helmuan 3 perona: Uji ishte i ambalazhuar
