Policia italiane ka arrestuar një shqiptar, pasi vrau me thikë 52-vjeçarin Nazzareno Paolo Teti në Romë, mbrëmjen e djeshme.
Mediat e huaja bëjnë me dije se 47-vjeçari shqiptar, se ka goditur në qafë viktimën e cila po qëndronte në rrugë dhe më pas ka ikur. Motivi i krimit gjendet në marrëdhënien sentimentale që kishte krijuar mes bashkëshortes së shqiptarit dhe viktimës.
“Hetimet, të kryera menjëherë nga ekipi celular i Romës, falë ndihmës së kamerave video dhe dëshmive të drejtpërdrejta, të vërtetuara nga lloje të ndryshme hetimesh dhe gjetjesh, çuan në identifikimin e autorit të dyshuar, në një kohë shumë të shkurtër”,-shkruhet në njoftimin e policisë.
I dyshuari është vënë në gjurmë në një parking dhe është arrestuar thuajse në mënyrë flagrante.
