Kreu i Partisë Demokratike Sali Berisha ka akuzuar Edi Ramën, pasi sipas tij ka hequr përmendoren e vendosur në Kukës në nderim të viktimave të gjenocidit të Lumës.
Berisha shprehet se Rama e ka bërë këtë veprim me kërkesë të presidentit serb, Aleksandër Vuçiç.
“Çfarë u thotë ky për foshnjët që janë hedhur në mullarët e barit, lexon ky njeri apo ajo. Nga Leo Froli gjenocidi i Lumës, përmendet nga të gjithë dëshmitarë që kanë qenë të pranishëm. Ky prish përmendoren me kërkesë të Vuçiçit, akt i turpshëm dhe anti-shqiptar. Ka shkelmuar, përse u vranë ata? Ata bllokuan hordhitë serbe që donin të pushtonin Shqipërinë. Edi Rama mund të bëjë gjithçka. Gjenocidi serb universalisht i dënuar është gjenocidi që kanë kryer në lumë. E gjitha hakmarrje se kryengritësve, hajsanë, tropojanë e dibranë bllokuan serbët. gjenocidi i Lumës në dokumentet e kohës , të dokumentit bazë të Komisionit ndërkombëtar të ngritur për shkaqet është i vlerësuar si krim kundër njerëzve. Vetëm në fshatin Bobek janë therë, djeg të gjallë, burra gra e fëmijë”, shprehet Berisha.
Berisha e quajti Ramën një antishqiptar, që urren shqiptarët.
“Rama urdhëron të shkelmojë mbi shpirtrat e tyre dhe të rrafshojë përmendoren e ngritur pak vite më parë në nderim të 2200 qytetarëve shqiptarë. Një barbari e pashembullt në luftë, me një ndëshkim të pashembullt, këtu Edi Rama heq përmendoren e cila ndër të tjera, kishte fjalë dhe të Dimitre Tucevic një serb i madh që dënoi me forcë këtë gjenocid. Gjenocidin serb të Lumës e kam ngritur si çështje dhe ky ka urdhëruar rrafshimin e përmendoren në nderin të viktimave në qytetin e Kukësit. Ky është një antishqiptar. Urdhëroi rrafshimin e përmendores gjatë këtyre netëve. Është antishqiptar, që urren shqiptarët. Ka gjak tradhtari, jo shqiptari dhe duhet të mësohet se pavarësisht nga përkatësia etnike mund të jesh patriot shumë me tepër se ai që është i etnisë shqiptare. Ky as nuk ka komb, as nder, as flamur e atdhe” tha Berisha.
