Sot nisin punimet për ndërtimin e Teatrit të ri Kombëtar, ndërkohë forca të policisë kanë rrethuar vendin. Hyrja brenda perimetrit të sigurisë bëhet vetëm për personat e autorizuar. Madje dhe drejtori i ri Teatrit Kombëtar Altin Basha u detyrua të presë disa minuta derisa policia të merrte konfirmimin.
Në orën 10:30 pritet të jetë dhe kryeministri Edi Rama për të bërë dhe inaugurimin e punimeve.
Kryetari i bashkisë Erion Veliaj është pritur me revoltën e një qytetareje e cila duket se ka një çështje konfliktuale me bashkinë e Tiranës.
“O hajdut! O hajdut! Vjedh pronën e njerëzve. Do të të vijë dita!”- dëgjohet ti thotë qytetarja kryebashkiakut i cili hyn në perimetrin e sigurisë i rrethuar nga truprojat e tij.
Veliaj nuk pati në përgjigje për qytetaren por bëri një qeshje ironike dhe u largua i rrethuar nga truprojat e tij.
