Pas fitores së Kupës së Botës, La Pulce i bëri të gjithë të bien dakord sidomos në Argjentinë. Pasi e tërhoqi zvarrë Albiceleste në majën e botës në Katar, heshti ata që në 2018-ën dhe jo vetëm e kritikuan duke nënvizuar dallimet me Diego Armando Maradona, i cili kishte marrë kombëtaren mbi supe në triumfin e 1986-ës.
Leo Messi me ne fund ka fituar ate Kupe qe i mungonte. Pra, a janë të gjithë dakord për vlerën e yllit të Rosarios? Jo në të vërtetë, duke qenë se pikërisht në momentin e festimeve ka nga ata që kanë dalë kundër valës.
Po flasim për një lavdi të madhe të futbollit argjentinas, pikërisht Hugo Orlando Gatti. Ish-portieri i lindur në vitin 1944, rekordmen i paraqitjeve në divizionin e lartë argjentinas, ka lënë gjurmë të pashlyeshme në fushë. Pasi mbrojti portat e River dhe Boca, si dhe Atlanta, Union dhe Gimnasia, “Loco” (“i çmenduri”), i cili gjithashtu pushtoi skenën për daljet e tij të pamatura dhe ndonjëherë akrobatike dhe për pamjen e tij të pagabueshme me flokë te gjata dhe uniforma me ngjyra të ndezura, u dallua edhe si kolumnist…
Fjalët e tij shpesh shkaktuan diskutime, duke qenë se Gatti nuk është mësuar të kërkojë konsensus. Dhe kështu ishte edhe për fjalimin e tij të fundit në El Chiringuito de España, ku ai nënçmoi performancën e Leo Messit në Kupën e Botës: “Kupa e tij e Botës ishte relativisht e mirë, por nuk do të jetë kurrë më shumë se Maradona”.
Por çfarë mendon në të vërtetë Gatti për Messin? “Sipas jush a është më i miri në botë?” u shtrua pyetja. Ish-portieri bashkatdhetar i kapitenit të Albiceleste-s, pavarësisht se e di se mendimi i tij do te jete kunderpedal, preferon Mbappe-n: “Doni që të më vrasin në Argjentinë, apo jo?Messi ishte relativisht mirë, por ju thashë që për mua Mbappe është më i miri në bote dhe ai me më shumë të ardhme tani.
Ata do të thonë se El Loco është antiargjentinas sepse unë flas të vërtetat që dëgjoj ose shoh” Gatti që e njeh mirë Maradonën, pasi u përball me të dhe e sfidoi në fushë me shumë ofendime frikësuese (“Ti je një fuçi e shëndoshë, nuk do të më shënosh kurrë”), më pas duke mbledhur 4 gola nga Pibe, përsërit mendimet e tij.për krahasimin mes të paharrueshmit Diego dhe Leo Messi:
“A e ka kaluar Messi Maradonën? Askush nuk është si Diego. Askush nuk e kalon Pelen dhe në Argjentinë askush nuk e kalon Diegon. Kjo është e vërteta ime, mënyra se si e shoh futbollin, mënyra se si unë e luajta dhe tani shoh gjithçka. Për shembull, Di María ishte një fenomen ne finale dhe askush nuk thotë asgjë…”.
https://twitter.com/i/status/1605133405565222912
