Kryeministri i Kosovës, Albin Kurti, ka pritur sot në takim ministrin e Jashtëm të Greqisë, Nikos Dendias.Në njoftimin e bërë nga zyra e kryeministrit Kurti thuhet se në këtë drekë është biseduar për mundësitë e thellimit të marrëdhënieve mes Kosovës dhe Greqisë.
Ndër të tjera Kurti me Dendias kanë folur edhe për perspektivën evropiane të Kosovës “dhe aspiratat për integrimin e mëtutjeshëm në organizatat ndërkombëtare”.
Kryeministri i Republikës së Kosovës, Albin Kurti, priti në një drekë pune Ministrin e Jashtëm të Greqisë, Nikos Dendias.
Njoftimi i plotë:
U bisedua për mundësitë e thellimit të marrëdhënieve ndërmjet Kosovës dhe Greqisë, ndërsa u theksuan raportet e shkëlqyeshme ekzistuese ndërmjet të dyja vendeve.
Kryeministri Kurti theksoi perspektivën evropiane të vendit tonë, si dhe aspiratat e Republikës së Kosovës për integrimin e mëtutjeshëm në organizata ndërkombëtare.
Po ashtu u bisedua për çështjet aktuale, zhvillimet rajonale, si dhe perspektivën zhvillimore dhe integruese të Ballkanit Perëndimor.
