Rruga hyrëse për në qytetin e Elbasanit është bllokuar pasditen e kësaj të marte, si pasojë e një aksidenti.
Mësohet se një kamion bullgar që po përshkonte këtë rrugë, është rrëzuar dhe për pasojë qarkullimi është bllokuar.
Bëhet me dije se janë krijuar radhë të gjata mjetesh që të çojnë për në hyrje të Elbasanit. Në vendngjarje ndodhen dhe ekipet policore, të cilat po koordinojnë punën për rinisjen e qarkullimit.
