Kreu i Ministrisë së Brendshme Fatmir Xhafaj ka zbardhur një pjesë të takimit me ambasadorët e vendeve të BE-së. Xhafaj thotë se takimi ka zgjatur për dy orë dhe nga ambasadorët ka marrë mbështetje totale për tre prioritete kryesore, lufta kundër krimit e para.
“2orë takim konstruktiv me Ambasadorët e BE. Prioritetet: Lufta kundër Krimit të Organizuar, Vettingu, Task Forca. Mbështetje totale. Faleminderit partnerëve”, shkruan Xhafaj në Twitter.
Më tej ai paralajmëron se nesër do të bëhet prezantimi i operacionit “Forca e ligjit”.
“Për më shumë nesër në orën 10:00 Prezantim i Operacionit “Forca e Ligjit” në Ministrinë e Brendshme. #ForcaELigjit”, shkruan Xhafaj.
