Kryetari i PD-së, Sali Berisha deklaroi këtë të Mërkurë se, Partia Demokratike po përgatit një ligj që detyron partitë që të votojnë brenda vetes për drejtuesit
“Një ligj do të përgatitet sa më shpejt, i cili do të detyrojë çdo parti politike, të respektojë normat bazë të demokracisë në jetën e saj. Ky ligj u miratua nga Bundestagu gjerman, pas daljes nga diktatura naziste dhe ky ligj ka detyruar forcat politike të harkut kushtetues të Gjermanisë, në jetën e tyre të brendshme të zbatojnë standardet demokratike”, tha Berisha gjatë fjalës së tij në mbledhjen e Kryesisë së Partisë Demokratike.
“Uroj që anëtarët dhe simpatizantët e PS-së të detyrojnë deputetë e tyre të votojnë këtë ligj, përndryshe i garantoj se ligji i parë që do të votohet pas fitores së PD-së, do të jetë ky ligj dhe se çdo forcë politike që nuk e zbaton atë do të dalë jashtë ligjit, cilado qoftë ajo”, shtoi ai.
