Tragjedi në Itali/ Në ndjekje nga policia, aksidentohet makina me 7 të rinj, 3 viktima

Një aksident me fund tragjik ka ndodhur në Alessandria të Italisë, teksa një automjet tip “Peugeot 807” me të cilin udhëtonin 7 të rinj ka dalë nga rruga kur tentuan t’i iknin karabinerëve.

Bilanci është i rëndë për aksidentin e ndodhur rreth orës 4 të mëngjesit përgjatë rrugës provinciale 244, pasi tre prej të rinjve që ndodheshin në mjet kanë humbur jetën dhe katër kanë mbetur të plagosur.

Viktimat janë 23-vjeçari Lorenzo Pantuosco, 21-vjeçari Lorenzo Vancheri dhe 15-vjeçari Denise Maspi.

Sipas mediave italiane ngjarja mund të marrë përmasa edhe më të rënda pasi dy prej të plagosurve ndodhen në gjendje të rëndë.

Siç raportohet të rinjtë nuk ndaluan kur karabinierët u bënë shenjë, teksa i vunë re në lagjen Cristo të Alessandrias. Ata vazhduan të lëviznin me manovra të rrezikshme në qytet.

Pas një ndjekjeje deri në akademinë e policisë në fund të rrugës “Acqui”, karabinierët e humbën nga shikimi “Peugeot 807”, duke raportuar te patrullat e tjera që të viheshin pas tyre.

Nga ana tjetër, makina me të rinjtë vazhdoi arratinë, siç vazhduan edhe kërkimet për t’i ndaluar.

Menjëherë pas kësaj, ende gjatë arratisjes, në Cantalupo, i riu që drejtonte mjetin ka humbur kontrollin e makinës duke goditur bordurën dhe bërë një fluturim prej disa metrash përpara se të përfundonte në oborrin e një banese.

Hetuesit pop resin rezultatet e testit toksikologjik dhe të alkoolit për të specifikuar arsyet që çuan në aksident përveç shpejtësisë së lartë.

Gjithashtu sipërfaqja e rrugës është veçanërisht e rrëshqitshme dhe e rrezikshme nga akulli duke pasur parasysh temperaturat e ulëta të regjistruara.

Zhurma e përplasjes është ndjerë nga banorët, të tronditur nga pamja e makinës së përmbysur që po merrte flake, ndërsa pranë kishte edhe një bombol të madh gazi.

Disa pasagjerë sipas dëshmitarëve kishin fluturuar jashtë mjetit nga forca e përplasjes dhe ata kishin parë një vajzë të ngecur brenda.

Drejtuesit i makinës, një 22-vjeçar ndodhet në spital në gjendje të rëndë dhe me shumë gjasë do të arrestohet nën akuzën e vrasjes.